O Club Básquet Coruña SAD, en estreita colaboración con “El Corte Inglés”, comprácese en anunciar a terceira edición deste torneo, en modalidade 3×3, o cal se levará a cabo o vindeiro sábado 13 de xuño, en horario de 10.00 a 14.00 e de 16.00 a 18.30, na Praza da Cubela (inmediacións do Corte Inglés da rúa Ramón e Cajal).
Este “III Torneo 3×3 Corte Inglés-Básquet Coruña” estará destinado a catro categorías diferentes:
- Mini Feminino: Xogadoras nadas nos anos 2014 e 2015
- Mini Masculino: Xogadores nados nos anos 2014 e 2015
- Infantil Feminino: Xogadoras nadas nos anos 2012 e 2013
- Infantil Masculino: Xogadores nados nos anos 2012 e 2013
Todos os equipos deberán estar compostos por un máximo de 4 xogadores/as e un mínimo de 3 xogadores/as, todos eles das idades da categoría na cal competirá o equipo.
A cota de inscrición para a participación no torneo será de carácter gratuíto.
As prazas para a participación no torneo serán limitadas e serán adxudicadas por rigorosa orde de inscrición ata que se encha cada unha das categorías.
Os premios para os campións e subcampións do torneo serán os seguintes:
- 1º Clasificado: Cartón regalo por valor de 120€ (4 cartóns de 30€)
- 2º Clasificado: Cartón regalo por valor de 80€ (4 cartóns de 20€)
Ven a desfrutar connosco do baloncesto, desfruta co Corte Inglés e con Básquet Coruña!
Inscricións: