A Coruña, 5 de Decembro de 2025 – Jacobo Díaz leva o segundo galardón “Xogador Estrella Galicia”, alzándose co MVP de Novembro, tras dous meses de competición. O alero do conxunto laranxa recolleu o premio esta mañá no Coliseum da Coruña, por parte de Luis Sánchez, promotor de Estrella Galicia na Coruña.
O madrileño obtén así este recoñecemento ao ser o máis votado polos afeccionados coruñeses a través das redes sociais do club. Jacobo superou na votación a Paul Jorgensen e Caio Pacheco.
O xogador do conxunto herculino comentou “máis que o premio individual é o premio colectivo, de sacar os partidos de liga do mes de novembro. A nivel persoal estou moi contento de poder axudar ao equipo en todas as facetas”.
Ademais, engadiu que “a forza do equipo é que todos confiamos nos nosos compañeiros, se un día non é un, é outro e todos estamos ao cento por cento”.
Por último, e en relación ao partido contra Palencia indicou que “se xuntan case tres semanas sen xogar e estamos con moitísimas ganas, sobre todo en casa #ante a nosa afección. Temos moitas ganas de dalo todo, ademais #ante un rival que non pode ser mellor neste momento e estamos súper motivados”.