O novo alero de dobre nacionalidade (serbia e montenegrina) conta con ampla experiencia no noso país, tanto en Liga Endesa como en Primeira FEB.
A Coruña, 22 de Outubro de 2025.- O Leyma Coruña anuncia a chegada de Dino Radončić (Giessen, Alemaña, 8 de xaneiro do 1999; 202cm) como novo xogador para a tempada 2025-26. Dino é un alero que tamén pode xogar de á-pivote que, a pesar da súa mocidade, ten ás súas costas unha ampla carreira no noso país. Ademais, é un membro habitual das convocatorias da selección de Montenegro, coa que disputou torneos como o Eurobasket.
Comezou a xogar a baloncesto en Serbia, no KK Un Grande Zrenjanin, pero pronto chamou a atención do Barça, onde chegou na tempada 2013-14 en idade cadete. Con todo, desde a tempada 2014-15 en diante, completou a súa formación nas categorías inferiores do Real Madrid, chegando a debutar con 16 anos en Liga Endesa e en Euroliga. Militando no club branco gañou unha Liga Endesa e unha Euroliga.
Tras varios anos en diversos equipos da xeografía española (San Pablo Burgos, UCAM Murcia, Tenerife, Gipuzkoa e Zaragoza), na tempada 2023-24 recala no Bayern de Munich, un dos grandes equipos europeos co que tamén disputa a Euroliga. A pasada tempada volveu ao noso país asinando con Real Betis, equipo co que foi campión da Final Four de Primeira FEB. No equipo sevillano promedió 9.3 puntos, 5.2 rebotes e 1.5 asistencias por partido.
Dino é un xogador grande e moi polivalente, que pode xogar tanto de 3 como de 4. No aspecto ofensivo pode desempeñar situacións próximas ao aro e xogar tamén situacións dun por un afastadas do aro. No ámbito defensivo ten capacidade para defender forte, polo que pode ser un gran defensor.
Bienvenido ao club e á Coruña, Dino!
