O equipo laranxa sumou esta noite a vitoria 26 da tempada, nun trepidante duelo ante a súa afección. Ambos os equipos mantiveron un choque igualado na primeira parte, con intensidade defensiva en ambos os lados da pista e intercambio de canastras sen que ningún deixase escapar o partido. Tras o descanso, o Leyma Coruña subiu un chanzo en defensa e rapidez de contraataque, recuperando a esencia de xogo que tantas alegrías deu á Familia Laranxa e podendo xestionar a vantaxe no luminoso ata a recta final (81-72). O MVP do partido foi Ilimane Diop con 14 puntos, 7 rebotes e 22 de valoración.
#ACoruñaquereBasquet