Nova batalla gañada dos de Carles Marco, esta vez a domicilio, nun choque por momentos axustado, aínda que no terceiro cuarto os herculinos lograron impoñerse no control do xogo e estirar a vantaxe a cifras de dous díxitos, a pesar de que o Grupo Alega Cantabria competiu con valentía ata o final nun choque moi físico. Á vitoria laranxa axudou a superioridade no rebote, especialmente o ofensivo, e as menores perdas de balón, para pechar o marcador cun 79-88. O MVP do partido foi Caio Pacheco con 17 puntos, 6 asistencias e 21 de valoración.
#ACoruñaquereBasquet
👉 Audio da Rolda de prensa de Carles Marco post partido da Xornada 28