O Leyma Coruña ofreceu esta noite á súa afección un sólido encontro no que brillaron algunhas das claves que marcan a identidade dos de Carles Marco: xogo enérxico e fluído en toda a pista, concentración e capacidade de resposta aos cambios defensivos dun Movistar Estudiantes que acusou as baixas por lesión e o acerto dos locais, especialmente desde a liña de tres, para irse ao parón ligueiro cun resultado incontestable (105-82) e vinte vitorias en vinte e un encontros. O MVP do partido foi Guillem Jou con 23 puntos, 5 rebotes e 23 de valoración. A asistencia -6.102 afeccionados- foi a maior rexistrada ata agora na presente tempada.
#ACoruñaquereBasquet