O Leyma Coruña venceu esta tarde no pavillón Javier Imbroda nun choque no que foi claramente superior, salvo nun terceiro cuarto de menor concentración e no que o Melilla Ciudad de Baloncesto mellorou a súa defensa para acurtar distancias no marcador. A pesar de que os locais gañaron a batalla do rebote, os de Carles Marco impuxeron o seu ritmo rápido e agresivo para viaxar de regreso a casa cun rotundo saldo de 72-105 no luminoso. O MVP do partido foi Dídac Cuevas, con 13 puntos, 3 rebotes e 11 asistencias, para sumar un 24 de valoración.
#ACoruñaquereBasquet